A CAVERNA MEDIÁTICA AO ATAQUE

PUBLICADO EN : Diario de Ferrol; Galicia Confidencial; La Opinión; La Región; Faro de Vigo; Atlántico Diario;  Globedia

Canto mais complícase a continuidade  do PP á fronte do Goberno,  con maior agresividade reaccionan os mercenarios  da caverna mediática no seu intento de cortocircuitar  con insidias calquera pacto alternativo a Mariano Rajoy.

Cando mais atarefada estaba a caverna mediática do PP axitando a súa demente ofensiva contra PODEMOS, en retorno,  o búmerang de Acuamed veu  desarmar a montaxe da súa estrataxema de acoso e derriba, e lembrar  así  á xente de Rajoy que é escusado que busquen   deslustre político en terceiros    cando teñen no seu propio espello o peor  dos reflexos, pois as connotacións  da maquinación   dirixida polo 'gurú demoscópico' de Cospedal, Arcadio Mateo,  despexan toda dúbida sobre a súa paternidade  da operación Frontino  á vez de situar    á formación conservadora por vínculo de dependencia  como directa responsable desta  nova trama  de corrupción. 

Sendo iso   motivo mais que sobrado para impedir  que na estreada andaina  lexislativa os campións da  inmoralidade e a decadencia  sigan  ostentando o Goberno do país, máxime cando  nun exercicio de desvarío democrático e malas artes   non reparan o mais mínimo en utilizar    a estrutura do Estado en beneficio propio e  prexuízo  dos seus adversarios políticos. 

Quen é refén da súa corrupción estrutural  dificilmente poderá  acreditar o plus de honestidade  que o bo facer político esixe, e por tanto nula autoridade  moral   ten conferida para poñer en cuestión a integridade dos demais, e moito menos despois de     remontarse a tempos  pretéritos e poñendo en cuestión o Estado de Dereito  utilizar sen fundamento nin orde xudicial a membros da cúpula policial para filtrar a medios    afíns o infundio como fórmula de proceder,   coa expresa finalidade de expandir  intoxicación mediática, e así, acusar falazmente á formación morada de financiamento ilegal.

Exasperada manobra  posta en práctica co  propósito de tomar vantaxe política combatendo con malas  artes  o contido  dun proxecto de país, que por ben definido e ao non deixar  a ninguén atrás, ameaza a continuidade de trinta  e seis anos  de prerrogativas a favor   dunha minoría   que testemuña  a degradación do actual modelo político. Non deixando  de ser esperpéntico   que ao tempo de pregoar  o seu compromiso coa rexeneración democrática sexa  esa facción política quen cos seus feitos  mostra xusto a función oposta; motivo sobrado para situarlles na  oposición como única fórmula  para que a democracia deixe de ser unha blindaxe de privilexios  duns cuantos  e en proceder de correspondencia  sexa devolta á cidadanía.

Dicir non obstante que nesta  campaña de acoso e derriba instada desde o  PP contra PODEMOS e conducida  pola caterva mediática, tense  de precisar     que os medios de comunicación por se sós non son o perigo, que si , o mal uso dado  aos mesmos    por parte dos  poderes fácticos e económicos, que desde posición de dominio transforma en noticia o que en rigor non debese selo xamais, e todo, coa intención de distorsionar  a realidade e o propósito de manipular á cidadanía en beneficio propio. Finalidade  de imposible consecución sen a  participación  aliada dos   mercenarios do poder, que nunca coa colaboración  de verdadeiros xornalistas  comprometidos  con principios de profesionalidade e ética deontolóxica que  como  garantes da democracia  informan de forma certa, clara e obxectiva.

Nun país como o noso onde os  mass media como empresas  mantiveron desde o 78 plena influencia sobre  a política, agora  ante a eventualidade  de cambio  tentan forzar a continuidade mediante a presión  mediática   dos opoñentes á súa primacía  e en alianza de intereses cos seus afíns políticos  desde o ultradereitismo obsesivo, facendo de PODEMOS  o chivo expiatorio das súas intrigas coas malas artes  dos bufóns do réxime cuxa función mais que xornalística  pasa  polo acoso e derriba. Como tamén facer da información  unha arma de manipulación masiva co adoctrinamento  de suxeitos fiadores da súa estratexia nun  intento  de manter  a súa xerarquía  e evitar  con iso  todo  cambio na configuración política.  

Téndose de afirmar   por iso que o grao de degradación  é de tal calibre   que os medios de comunicación transformáronse   en espellos trucados que devolven adulterada a información ao cidadán no contexto dunha dinámica na que prima a noticia falsa, o mal facer xornalístico   e a peor versión da liberdade de expresión  que no seu conxunto conduce  á instauración dun novo formato  de comunicación  onde a censura   que exercen os donos dos medios toma papel protagonista á vez que  o auxilio do sector mais reaccionario do oficialismo político faise aliado da situación .

Para desgraza  democrática  a  caverna mediática  apropiouse da situación sen que a liberdade de información teña garantido o seu espazo ante  a hexemonía  duns medios que ao servizo da dereita mais recalcitrante tentan converter aos cidadáns en simples máquinas aos que uniformar  en pensamento.    Sendo hora de dicir basta á  mentira  e ao engano, para así rexeitar  que outros pensen por nós, e desde a discrepancia a través da rede, establecer  un  debate critico  e honesto para investir  os termos da situación  e garantir sen atrancos  o cambio de rumbo que demanda o país.